Activity

មន្ទីរពេទ្យបង្អែកខេត្តតាកែវសូមថ្លែងអំណរគុណយ៉ាងជ្រាលជ្រៅបំផុតចំពោះ៖-លោក ម៉ៅ ស៊ីណា ព្រះរាជអាជ្ញារងនៃអយ្យការអមសាលាដំបូងខេត្តតាកែវ-លោក ហ៊ីង ប៊ុនធន គ្រូបង្រៀនភាសាកូរ៉េស្ម័គ្រចិត្តនៅវិទ្យាស្ថានពហុបច្ចេកទេសភូមិភាគតេជោសែនខេត្តតាកែវដែលបានស្ម័គ្រចិត្តបរិច្ចាគឈាមជូនមន្ទីរពេទ្យកាលពីថ្ងៃទី២៣ ខែឧសភា ឆ្នាំ២០២៥ សម្រាប់ជួយជីវិតអ្នកជំងឺដែលកំពុងត្រូវការឈាមបន្ទាន់។ តាំងនាមយើងខ្ញុំជាថ្នាក់ដឹកនាំមន្ទីរពេទ្យបង្អែកខេត្តតាកែវ សូមសម្ដែងនូវការកោតសរសើរ និងគួរឲ្យស្ញប់ស្ញែងចំពោះការចូលរួមរបស់លោកទាំងពីរក្នុងសកម្មភាពមនុស្សធម៌មួយនេះ ដែលស្របតាមពាក្យស្លោក៖ “បរិច្ចាគឈាម គឺជួយជីវិត”។ សូមឲ្យអំពើដ៏សប្បុរសដូចនេះនៅតែបន្តកើតមាន និងក្លាយជាប្រភពនៃចេតនាជម្រុញទឹកចិត្តដល់សាធារណជនទូទៅ ក្នុងការចូលរួមសហការជាមួយវិស័យសុខាភិបាល ដើម្បីសង្គ្រោះជីវិតមនុស្សជាច្រើនទៀត។

រីករាយថ្ងៃចូលនិវត្តន៍ លោក សុខ នីម នាយសាលរង ផ្នែកវះកាត់កុមារ នៃមន្ទីរពេទ្យបង្អែកខេត្តតាកែវ។ថ្ងៃនេះជាថ្ងៃចុងក្រោយនៃអាជីពការងារជាមន្រ្តីរាជការក្នុងរយៈពេល ៣៥ឆ្នាំរបស់គាត់។ ក្នុងនាមថ្នាក់ដឹកនាំ មន្រ្តីរាជការ និងបុគ្គលិកគ្រប់ផ្នែកទាំងអស់នៃមន្ទីរពេទ្យបង្អែកខេត្តតាកែវ សូមថ្លែងអំណរគុណយ៉ាងជ្រាលជ្រៅចំពោះការបំពេញកិច្ចការដ៏ល្អឆ្នើមរបស់លោក។ យើងទាំងអស់គ្នានឹងចង់ចាំនូវ គុណនូបការៈ គំរូវីរៈភាព ការលះបង់ ការដឹកនាំប្រកបដោយព្រហ្មវិហារធម៍ សមត្ថភាព និងសាមគ្គីភាពក្នុងន័យភាតរភាព ហើយក៏សូមកោតសរសើរដល់លោក ដែលបានចូលរួមចំណែកយ៉ាងសកម្មដើម្បីអភិវឌ្ឍន៍មន្ទីរពេទ្យទាំងផ្នែកស្មារតី និងបច្ចេកទេសវេជ្ជសាស្រ្តកន្លងមក។ សូមជូនពរឲ្យលោកគ្រូ មានសុខភាពល្អ ជន្មាយុយឺនយូរ និងរីករាយជាមួយទំព័រជីវិតថ្មីបន្ទាប់ពីការចូលនិវត្តន៍។

នារសៀលថ្ងៃសុក្រ ៥រោច ខែពិសាខ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ១៦ ខែ ឧសភា ឆ្នាំ២០២៥ ឯកឧត្តម ង៉ូវ កាង រដ្ឋលេខាធិការក្រសួងសុខាភិបាល រួមដំណើរដោយឯកឧត្តម សុខ ស្រ៊ុន ប្រធាននាយកដ្ឋានមន្ទីរពេទ្យ និងឯកឧត្តមសាស្ត្រាចារ្យរង លូ លីឃាង នាយកមន្ទីរពេទ្យព្រះអង្គឌួង និងសហការី ដែលជាមន្ទីរពេទ្យសម្ព័ន្ធមេត្រីភាព លោកឱសថការី ផាន់ វ៉ាន់ ប្រធានមន្ទីរសុខាភិបាលខេត្តតាកែវ […]

នារសៀលថ្ងៃពុធ ៩កើត ខែភទ្របទ ឆ្នាំរោច ឆស័ក ព.ស.២៥៦៨ ត្រូវនឹងថ្ងៃទី ១១ ខែកញ្ញា ឆ្នាំ២០២៤ នៅមន្ទីរពេទ្យបង្អែកខេត្តតាកែវ មានរៀបចំពិធីប្រកាសទទួលស្គាល់សមាសភាពគណកម្មការគ្រប់គ្រងហិរញ្ញប្បទាន ក្រោមអធិបតីភាពលោកវេជ្ជ. លៀម គ្រាន អនុប្រធានមន្ទីរសុខាភិបាលនៃរដ្ឋបាលខេត្តតាកែវ ។ ក្នុងឱកាសនៃពិធីនេះ លោកអនុប្រធានបានផ្តល់អនុសាសន៍ល្អៗមួយចំនួនទាក់ទងនឹងតួនាទី ភារៈកិច្ចរបស់សមាជិកគណៈកម្មការគ្រប់គ្រងហិរញ្ញប្បទានថ្មី ត្រូវអនុវត្តន៍ស្របតាមការណែនាំរបស់លិខិតបទដ្ឋាន និងគោលការណ៍ផ្សេងៗរបស់ក្រសួងសុខាភិបាល ត្រូវពង្រឹងការយកចិត្តទុករបស់មន្រ្តីសុខាភិបាលក្នុងការផ្តល់សេវាជូនប្រជាពលរដ្ឋប្រកបដោយក្រមសីលធម៍វិជ្ជាជីវៈ សមធម៍ ប្រសិទ្ធិភាព និងស័ក្តិសិទ្ធភាព។

សូមស្វាគមន៍វត្តមានឯកឧត្តមវេជ្ជបណ្ឌិត ងូវ កាង រដ្ឋលេខាធិការក្រសួងសុខាភិបាលចុះពិនិត្យស្ថានភាពរបស់មន្ទីរពេទ្យបង្អែកខេត្តតាកែវ===========ដោយទទួលបានការណែនាំដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តមវេជ្ជបណ្ឌិត ងូវ កាង រដ្ឋលេខាធិការក្រសួងសុខាភិបាលបានចុះត្រួតពិនិត្យស្ថានភាពផ្តល់សេវាសុខាភិបាលរបស់មន្ទីរពេទ្យបង្អែកខេត្តតាកែវនឹងសិក្សាស្វែងយល់គាំទ្រ ជំរុញលើកទឹកចិត្ត និងពង្រឹងការថែទាំ និងព្យាបាល ដើម្បីធ្វើឱ្យប្រសើរឡើងការផ្តល់សេវាសុខាភិបាលគ្រប់ជ្រុងជ្រោយ ប្រកបដោយគុណភាព នៅមន្ទីរពេទ្យបង្អែកខេត្តតាកែវ និងសហគមន៍ ស្របតាម “សេចក្តីណែនាំស្តីពីសំណុំសកម្មភាពអប្បបរមាសម្រាប់អភិវឌ្ឍមន្ទីរពេទ្យកំរិត៣។ក្នុងឱកាសនៃការចុះបំពេញការងានេះ ឯកឧត្តមរដ្ឋលេខាធិការក៏បានផ្ដល់ជាអនុសាសន៍ណែនាំមួយចំនួនជូនដល់ក្រុមការងារដែលមានដូចជា៖១). គិតគូរផែនការអភិវឌ្ឍន៍ផ្នែកពិគ្រោះជំងឺក្រៅ ការបន្ថយរយៈពេលរង់ចាំទទួលសេវារបស់អ្នកជម្ងឺ២). ផ្សព្វផ្សាយប្រព័ន្ធលេខទូរសព្ទទាន់ហេតុការណ៍ជូនប្រជាពលរដ្ឋឱ្យដឹងទូលំទូលាយ៣). ការលើកកម្ពស់គុណភាព សុវត្ថិភាពអ្នកជំងឺពិសេសមធ្យោបាយ សេវាបញ្ជូន និងប្រព័ន្ធទំនាក់ទំនង៤). ពង្រឹងការអភិវឌ្ឍន៍សមត្ថភាពមន្រ្តីតាមរយៈការធ្វើកម្មសិក្សានៅមន្ទីរពេទ្យថ្នាក់ជាតិ៥). […]

ថ្ងៃសុក្រ ២ រោច ខែពិសាខ ឆ្នាំរោង ឆស័ក ព.ស ២០៥៦៨ ត្រូវថ្ងៃសុក្រទី ២៤ ខែឧសភា ឆ្នាំ ២០២៤ នៅមន្ទីរពេទ្យបង្អែកខេត្តតាកែវ មានរៀបចំ ពិធីប្រគល់-ទទួល សម្ភារបរិក្ខាពេទ្យដែលជាអំណោយរបស់សមាគមនិកាយសាសនាចក្រនៃព្រះយេស៊ូគ្រីស្ទនៃពួកបរិសុទ្ធចុងក្រោយ ក្រោមគណៈអធិបតីលោកវេជ្ជបណ្ឌិត ញា ស៊ីថាន ប្រធានស្តីទីមន្ទីរសុខាភិបាលនៃរដ្ឋបាលខេត្តតាកែវ និងលោក រ័ត្ន ច័ន្ទសុភា ប្រធានសមាគម ដោយមានការចូលរួមពីលោកវេជ្ជបណ្ឌិត នៀល ខ្លីងហ្គឺ អ្នកឯកទេសខាងគម្រោងវេជ្ជសាសត្រ និងលោកស្រី […]